子彈酒吧 (已結業)

情人節, 同gf 食愛在心．燕窩半自助燭光晚餐.主菜我地揀左芝士焗龍蝦伴比目魚柳配香檳忌廉汁(a), 甜品係椰汁燉官燕(b)及心形意大利芝士餅(c).食主菜之前, 就係小小的自助餐.怒吃三文魚(d), 好新鮮. 蟹籽木瓜(e)都唔錯. 生蠔(f)較細隻, 唔係咁好. 但呢個自助餐真係好少野揀, 話明半自助餐都冇正常的一半.個龍蝦普通啦, 肉質唔夠爽, 多d 芝士味會更好. 反而比目魚就幾好, 香脆美味.燕窩既椰汁幾香, 芝士餅中規中距.侍應換碟既情況要改善, 自助餐果邊成日都冇碟, 咁點叫人拎野食呢.環境方面有女人唱英文歌, 佈置就普通啦, 但略嫌唔夠氣氛. 電視螢光幕會播出情深的留言