影片
更多
2023-07-08
870 浏览
早几日食完日本菜，吃货既我又开始心郁郁想食😈但又唔想食重复既餐厅，于是就系收工附近揾埋朋友一齐撑枱脚，重点系今日好热🥵最后拣左依间系V Walk商场既渔钏，完全系发现新大陆既感觉🤫装修充满日式木系风格，有大量清酒做装饰，空间阔落，选择好多，有寿司，刺身丼，拉面，卷物，铁板等等，最后嗌左5款菜式，每款都好满意🤭✨极上四式刺身丼🐟 $138四式刺身分别有三文鱼、带子、吞拿鱼蓉和赤虾，三文鱼份量都多，有around十二旧，仲有d系腩位🥰油脂丰富，几款鱼生都好新鲜，厚肉饱满，每一啖都可以刺生＋饭咁食🤪完全唔惊唔够刺身送饭。带子鲜甜，赤虾肉质弹牙，吞拿鱼蓉份量都唔少，见几好食再追加左一份吞拿鱼腩卷！！依个丼饭晚市黎讲好抵食👍🏻出去尖沙咀／旺角地铺都唔止依个价，最重要系刺身份量足够，绝对值得再黎😎✨足量香葱吞拿鱼腩卷$148本来系想叫香芒大虾卷8件，但谂谂下又觉得差唔多价钱食吞拿鱼腩好似抵d，亦有谂过menu张图会唔会吹大左，咁多馅料。事实证明我谂得太多真系好大旧🤩夹上手果阵仲因为太多馅料跌哂出黎😂真系好论尽哈哈。讲番食材本身，吞拿鱼腩蓉美味，混合香口既油脂😋啖啖满足💯而且完全唔会好油腻，因为中间
早几日食完日本菜，吃货既我又开始心郁郁想食😈但又唔想食重复既餐厅，于是就系收工附近揾埋朋友一齐撑枱脚，重点系今日好热🥵最后拣左依间系V Walk商场既渔钏，完全系发现新大陆既感觉🤫装修充满日式木系风格，有大量清酒做装饰，空间阔落，选择好多，有寿司，刺身丼，拉面，卷物，铁板等等，最后嗌左5款菜式，每款都好满意🤭
✨极上四式刺身丼🐟 $138
四式刺身分别有三文鱼、带子、吞拿鱼蓉和赤虾，三文鱼份量都多，有around十二旧，仲有d系腩位🥰油脂丰富，几款鱼生都好新鲜，厚肉饱满，每一啖都可以刺生＋饭咁食🤪完全唔惊唔够刺身送饭。带子鲜甜，赤虾肉质弹牙，吞拿鱼蓉份量都唔少，见几好食再追加左一份吞拿鱼腩卷！！依个丼饭晚市黎讲好抵食👍🏻出去尖沙咀／旺角地铺都唔止依个价，最重要系刺身份量足够，绝对值得再黎😎
✨足量香葱吞拿鱼腩卷$148
本来系想叫香芒大虾卷8件，但谂谂下又觉得差唔多价钱食吞拿鱼腩好似抵d，亦有谂过menu张图会唔会吹大左，咁多馅料。事实证明我谂得太多真系好大旧🤩夹上手果阵仲因为太多馅料跌哂出黎😂真系好论尽哈哈。讲番食材本身，吞拿鱼腩蓉美味，混合香口既油脂😋啖啖满足💯而且完全唔会好油腻，因为中间会有一条青瓜仔，清新既感觉会中和番，而且佢饭唔算多，其实几好🤓
✨铁板牛舌 $68
望落好似唔大碟，但牛舌份量都ok，可惜牛舌薄切得好细块，所以口感烟韧弹牙度差少少，相比其他菜式系有点失望，但酱汁就好吸引😁甘甘甜甜，有少少似寿喜烧汁，加上软腍既洋葱入味，每一啖都有想加一啖白饭既冲动😛🍚
✨鳗鱼柳川锅 $102
鳗鱼柳川锅简称滑蛋鳗鱼🤣鳗鱼份量都多差唔多大半条分左4旧，洋葱汁香浓惹味🤤甜甜地，滑蛋嫩滑，亦混合左鳗鱼酱汁既味道，两者融为一体，至于鳗鱼肉都十分厚身😚亦无骨，大满足，整碟菜式配埋饭食一流，最后将刺身丼既饭用左黎配滑蛋鳗鱼，信我，好夹😈
✨浓厚酱油鸡白汤拉面 $108
最后惊唔够饱就嗌多左一份鸡白汤拉面，老实讲都系纯粹想嗌d 热辣辣湿湿地既菜式暖下个胃😏毕竟佢都唔系主打食拉面既铺头。但估唔到完全喜出望外，鸡白汤，味道浓郁而且汤身浓稠🥳忍唔住饮左3，4啖先开始试佢既面质，话出色过大部分九龙既拉面地铺都不为过，配料有木耳，紫菜，葱粒，温泉蛋，但就完全唔系流心，有点伤心😭叉烧就偏薄身但系有炭烧既味道，油脂香口，入口即化，都几好味😙
✨白桃梳打/苹果梳打
果汁味好出，梳打有气夏天消暑一流，苹果味会较为好饮😁
小总结，绝对会再食既一间高质日本菜餐厅，不论系刺身/熟食/拉面都好好食☺️食材新鲜，份量足料又抵食🤞🏻而且仲系商场入面地方就脚，唔洗下下系尖沙咀/旺角周围揾地铺食日本菜，尤其系夏天，真系行多两步都已经大汗搭细汗🥵
张贴
