影片
更多
2023-08-05
29 浏览
呢度除咗有好多款式嘅烧鸟串烧，仲有手卷、寿司、刺身，仲有唔少出色嘅熟食！佢嘅串烧最推荐嘅系汁烧，厨师烧烤技术出色，火候掌握得好好，烧到出嚟唔会唔会太干身🔥，再加上特制嘅烧汁，保持食材嘅水份💦，又可以令食材更加入味！佢仲有好多菜式都几特别，市面上系相对少见，而且份量都几足，绝对对得住呢个价钱！餐厅装修好有心思，环境光猛，大部份都系卡位，而且每个卡位都有一块布帘，私隐度好够！除咗有四人或六人卡位，仲有料理台附近嘅吧枱，望住厨师倾偈、料理食物都得！店员都好有耐心，每上一道菜都会细心讲解用料同制作方法，令每位客人知道自己食紧啲咩，几有互动性，成个用餐体验都几好！😌------------------------------一入座，餐厅就会准备好茶同小食，客人可以边食小食边落单，呢个好贴心！佢啲彩色全部都好出色，系慢工出细货嘅品质，下面有啲价钱可以参考返～🐚◖盐釜原只鲍鱼◗ $168有一层厚厚嘅盐包住去焗，再用昆布盖住鲍鱼，既可以有昆布嘅鲜味，又避免鲍鱼太咸，鲍鱼本身经过炆煮，已经非常入味，口感弹牙软糯～🐟◖立鳞炸甘鲷◗ $98外皮粉浆包咗啲海苔碎，可以食到啲海苔香味，带出鲷味嘅鲜味，鱼肉都几大
餐厅装修好有心思，环境光猛，大部份都系卡位，而且每个卡位都有一块布帘，私隐度好够！除咗有四人或六人卡位，仲有料理台附近嘅吧枱，望住厨师倾偈、料理食物都得！
店员都好有耐心，每上一道菜都会细心讲解用料同制作方法，令每位客人知道自己食紧啲咩，几有互动性，成个用餐体验都几好！😌
------------------------------
一入座，餐厅就会准备好茶同小食，客人可以边食小食边落单，呢个好贴心！佢啲彩色全部都好出色，系慢工出细货嘅品质，下面有啲价钱可以参考返～
🐚◖盐釜原只鲍鱼◗ $168
有一层厚厚嘅盐包住去焗，再用昆布盖住鲍鱼，既可以有昆布嘅鲜味，又避免鲍鱼太咸，鲍鱼本身经过炆煮，已经非常入味，口感弹牙软糯～
🐟◖立鳞炸甘鲷◗ $98
外皮粉浆包咗啲海苔碎，可以食到啲海苔香味，带出鲷味嘅鲜味，鱼肉都几大块，肉质好嫩滑，整身都炸得几香口～
🐟◖汁烧脆烧油甘鱼鲛◗ $138
呢个真系必点，油甘鱼鲛超大块超厚肉，鱼鲛位鱼油超香，烧得啱啱好，外皮烧得好脆，肉质嫩滑，加埋个烧汁，真系不得了，超级推荐！
🍣◖拖罗Monaka ◗ $58
上面系满满嘅拖罗蓉，入口即溶，表面有好多沙律酱，外皮系类似新地筒质感～
🍗◖秘制酥脆唐扬鸡◗ $78
用咗柚子去腌制，食落少少酸，配上自家制嘅Tartar酱，用沙律酱、酸黄瓜、洋葱混合而成，用嚟减少鸡肉嘅油腻感一流，略嫌炸皮偏厚～
🐟◖古法盐烧原条香鱼◗ $128
原条香鱼烧完放上盐堆上面，卖相吸引，适合打卡，份量会比较少，味道都偏淡～
🍳◖樱花虾半熟蛋爆弹◗ $48
里面系糖心蛋包咗一层虾胶，再沾上樱花虾拎去炸，外皮好香，有樱花虾嘅鲜味，虾胶略薄，咬落口感唔太出，略嫌半熟蛋食唔出蛋香味～
🐂◖牛舌大根煮◗ $68
呢碗牛舌份量超多，萝卜全部煮到溶晒，汤汁好浓稠有口感；牛舌唔会煮到好烂，切得大大块都有成8-10块，好满足～
🐓◖鸡肉串烧Set $88
/月见免治鸡肉棒：有啲鸡软骨夹杂着，点埋个鸡蛋酱油，甜甜地咁几好食，份量会略大过其他餐厅～
/鸡肉串：比较普通，口感相对硬一啲～
/鸡肾串：口感爽脆，略嫌唔太入味。
🥬◖菜串◗ $60
/翠玉瓜：佢搽咗烧汁先拎去烧，爽脆本身都好Juicy，味道唔错！
/菠萝：烧完好甜，果肉好淋～
/秋葵：切咗细细旧，再涂上烧汁味道都唔错～
🐓◖鸡心◗ $38
鸡心口感几弹牙，唔系汁烧嘅，会干咗少少～
🐓◖鸡肝◗ $38
鸡肝几大串，涂上烧汁去烧，保持到湿润，又增加味道，鸡肝几粉几好食！
🌟 Encore指数：9.3/10
张贴
