泫居酒屋

营业中

休息中

朋友约左呢到食日本野，黎到门口完全睇唔到入面既世界🫣。入到去播住求婚大作战既主题曲！！火炙平目鱼边沙津沙律酱系清新既柚子汁，左口鱼寿司平时食得多，配沙律就真系第一次，又几match㖞！寿司十贯个presentation好精致特别要介绍炙烧大拖，烧咗之后油脂出晒嚟香气四溢，口感都做到入口即溶😌。三文鱼子每粒都脆卜卜，非常新鲜。再黎就系蟹肉拖罗，梦幻组合！烧鳕鱼干好脆！差唔多成碟都系我食哂😂，停唔到。串烧推荐厚烧牛舌、芦笋豚肉卷、烟肉车厘茄、日本甜薯- 牛舌好爽口，超易咬开，大爱！🫶🏻- 蕃茄仔一食入口就爆汁🤤。- Mini甜薯好香牛油味！风味海鲜粥推介，够鲜！粥底有蟹肉、带子、虾、蚬肉，煮得又够绵，食完劲饱。