百份百大師‧即造烘焙 (已結業)

因為住附近，所以成日都去幫襯，貪佢食物ok,價錢又合理，最中意食佢個咖哩農夫包，豬排蛋包飯，即磨咖啡，柚子雞亦。雖然一向知佢服務差但都成日去食午餐或晚餐，尤其是一個年紀大d嘅阿嬸，有時收銀，有時做待應，成日呼喝客人同黑面，又見過佢大大聲鬧一個年輕嘅女員工落錯單，所以一向對佢都冇咩好感。今日兩個人再去幫襯食lunch,又見到個阿嬸喺度，佢大大聲叫我地：「兩個吖？！去果度撘枱啦：」我地坐低左一陣，要叫先比menu我地，我地叫左一個鮮茄肥牛湯天使麵配芝麻軟包，鰻魚炒飯，配即磨咖啡，奶茶，加左$18爍一個蘇皮湯，$8兩隻柚子雞亦。鰻魚炒飯好多料同好味嘅，其他食物都ok,但穌皮湯等左好耐，全部嘢差唔多食哂先黎，果位阿嬸次次都誇過隔離枱比食物我地，好打擾人地，搞到我地都有d唔好意思，明明佢行多兩步就可以直接比到我地，叫佢比杯水我地又好惡咁應我地，但最後都冇比，最衰係隔離枱（下一輪客），個女仔order時，叫錯左晚餐，個阿嬸好惡咁話個女仔：「咖哩牛腩農夫包？！依家邊度有吖？！哩個晚餐黎架！」我見到個女仔即刻黑左面…之後我見到佢比單隔離枱，我就問佢攞，佢又話我：「你出去埋單叫16號枱咪得囉！」
咩事吖，食餐飯姐，要受咁多氣？！貼錢都唔再去！