漢那厨房 (已搬遷) 新店位置

老公係長洲人,不過佢未試過呢間。老爺就話呢度D野食唔錯, 仲話係咖仔開~ 所以今晚趁有朋友從香港入嚟玩, 擇日不如撞日, 一齊去試吓！我地一行3人叫咗3個碟頭飯：1) 日式咖喱吉烈石斑飯2) 吉烈豬扒蛋包飯3) 吉烈豬扒芝士焗飯評：咖喱汁一般, 無乜驚喜, 似出面喺超市買果隻日式咖喱磚塊嘅味 ~ 不過d薯仔紅蘿蔔就幾足料。吉烈石斑好脆口, 上菜後10分鐘再食仍然保持脆卜卜。三個之中覺得蛋包飯最好食。豬扒肉質好淋, 外層脆, 內有點肉汁。有機會的話我會再返去試其他菜。