一樂燒鵝

营业中

休息中

近期好想食燒鵝，今日過嚟圓方呢邊探朋友，順便搵下附近睇下有冇燒鵝食，點知就畀我搵到呢間位於尖沙咀柯士甸道西3號香港西九龍站G樓WEK G-12號舖噶一樂燒鵝，同朋友過去即刻落單咗半隻燒鵝，再嚟就係燒鵝叉燒飯，當然仲有個叉燒油雞瀨粉，再嚟一個生菜。呢間就係高鐵站附近，冇得堂食，只可以買完後去公共地方嘅坐枱食，可能過咗飯點，買完燒鵝搵座位嘅時候都唔使等。燒鵝嘅份量都算正常，燒鵝皮還有少少脆，肉質足夠入味，配個酸梅醬，又係另一番風味。叉燒都唔差，係瘦叉燒，面有少少蜜糖焦香，好好食。油雞都好嫩滑，雞皮做得入味。下次搭高鐵又想食燒味嘅時候，呢度係一個唔錯嘅選擇。