研究完個 menu，發現都幾多特別野食，要黎多幾次先試得晒，價錢好經濟實惠。見火鍋生料較為普通，始終依度係主打酸辣麵，並唔係主打做火鍋呢。
糊椒咸菜豬肚雞煲多糊椒，一隻雞 HKD120，可以叫半隻呢，但只係差幾十蚊乍喎，咁梗係全隻上啦。上次試過糊椒、奇味同藥膳，最好味都係糊椒湯底，今次尊登要加加加辣呀 ﹗好鍾意糊椒既香辣味，美味又暖胃驅寒 ﹗雞肉滑溜淡淡肉，雞味濃，正呀 ﹗咸酸菜太少啊，又得少量豬肚。糊椒湯底，真係百喝不厭。起碼飲左三四碗 ﹗越打越濃郁越香甜 ﹗
本地肥牛，質量較為低級，鞋靭不滑牛味淡。金菇、 魚皮餃、花枝丸，大路外購無特別。
白菜、紹菜雖普通，但新鮮甜美，好食。
