皇后冰室

营业中

休息中

最近同老公去咗觀塘巧明街嘅皇后冰室撐枱腳！🍴 佢哋唔止係冰室咁簡單，一入到去，感覺更似一間好有水準嘅港式扒房，氣氛幾好！🌟我哋今次主要試咗佢哋嘅主菜同甜品。首先嚟咗個酥皮羅宋湯，個酥皮焗到金黃鬆脆，羅宋湯味道酸甜開胃，飲落暖笠笠，係經典嘅味道。跟住就係主菜，我哋揀咗醬燒豬仔骨配黑醋燒汁，豬仔骨燒到入味，肉質軟腍，配埋黑醋汁，酸甜中帶點惹味，食落好滋味。🥩另一份主菜係威靈頓牛柳配野菌汁，呢個真係好考功夫㗎！牛柳包住酥皮焗到金黃，牛柳肉質嫩滑，配搭香濃嘅野菌汁，味道好有層次感，係一個幾有驚喜嘅菜式。餐飲方面，我哋要咗杯咖啡同埋杏仁奶露，咖啡香醇，杏仁奶露清甜滑溜，做餐飲都好出色。☕最正嘅係，佢哋主食仲可以加購$38就有雞翼放題！🐓 有齊老香港滷水雞翼、新奧爾良燒雞翼、黑椒蜜糖雞翼，三種口味任你食！雞翼控嚟到真係會失控㗎！呢個優惠真係抵到震，好啱一班朋友嚟食住傾計慢慢嘆。甜品當然要試佢哋嘅招牌！招牌自家製芒果布甸火焰雪山🥭，呢個賣相真係好吸睛！芒果布甸滑溜，配埋雪糕同朱古力醬，最特別係有火焰效果，睇得又食得，好有儀式感！😋 另外仲點咗份咖啡蛋糕，蛋糕口感鬆軟，咖啡味香濃，係個唔錯嘅餐後甜點。