京都大酒樓

营业中

休息中

呢間酒樓嘅lunch time點心還可以，價錢略高，不過啲點心係做得唔錯嘅。蝦餃入面隻蝦新鮮大隻，不過無啦啦整啲金色野喺面，為的就是收貴啲，唔通真係為咗個樣靚啲咩。叉燒包味道ok，入面食得出真係有叉燒肉。煎釀茄子唔算多油，因為通常呢啲都係話煎其實係落油鑊炸，所以成日油淋淋。煎腸粉煎得唔錯，夠乾身。鳳爪都ok，有肉地，都幾肥美。蝦腸都正，隻蝦都幾大隻，彈牙新鮮。燒賣都幾好，大大粒，上面有啲蟹子。牛孖筋好少地方有得食，所以叫黎試吓，唔錯，無梳打粉味。最後叫咗碟切雞飯，隻雞嘅質素都唔錯。