新光宴會廳 (已結業)

今日天氣咁好，本來好想中午帶埋爸爸媽媽入去西貢行吓、食個海鮮餐🐟 不過媽媽話唔想咁頻撲，而且時間都晏，近近地飲杯茶就算... 唉 ！佢話點就點啦！小秘書對街坊茶樓一向有啲抗拒，今日仲要有其他茶客搭枱😩受不了！心諗好又一餐、唔好又一餐🍚填飽個肚就行人。起初嚟嘅山竹牛肉、鮮竹卷都ok嘅，可惜無影抵😝 但係之後嚟嘅水餃似一早整定，成餅嘢咁上枱，外表又黃又唔新鮮咁；白灼牛柏葉 水魷 生菜份量實在少得可憐😩。唯一比較正常嘅係碟芝士大蝦伊面，厚厚一層芝士醬鋪喺麵上，金黃色咁，咸咸地幾野味！不過小秘書唔like多於一齊，我應該會少啲再嚟㗎喇！