8鍋臭臭鍋 (謝斐道) (已結業)

环境4分：间嘢地方好大好通爽，里面D墙挂囇8锅其他分店D门面相，同写出主打菜加埋餐厅理念，够简单，可以畀四分。卫生4分：地方都打扫得OK干净，枱面有纸巾，筷子同匙羮，卫生唔错可以畀四分。服务4分：楼面颗记落单上菜快手快脚，免费水添得够密，服务可以畀四分。味道5分：1)     个香蒜牛肉锅汤底蒜味好出，好浓，好野味。入面Ｄ料乜都打孖嚟，有甜味嘅粟米，鱼蛋片同甜不辣炸虾条，有健康嘅鲜红蕃茄，娃娃菜，金针菇同其他杂菜，有弹牙嘅蟹籽丸，果个又松又爽嘅冻豆腐同啲薄片牛肉真系非常之咁好味，五分真系冇比多佢。2)     每个火锅可以包碗白饭，又热又香，Ｄ饭靓到好似系用日本米煲。3)     加钱打只蛋落个锅，乜都香滑囇。4)     台湾贡丸好弹牙。5)     乌冬一样好够弹。抵食5分：一人一百蚊唔使就可以响铜锣湾区食个饱肚足料火锅，虽然两个人分一个锅要加多客乌冬同台湾贡丸先够饱，不过呢个价钱绝对超值，畀佢满分。