影片
更多
2024-04-21
1888 浏览
睇返啲食评原来对上一次同老友食火锅已经喺上年8月嘅事，今晚趁高兴同两位相识数十载嘅死佬聚一聚，搞个死佬小饭局，选址就番大家方便嚟到尖沙咀楼上舖嘅「聚鸟亭」，听个名以为喺居酒屋，其实主力喺做火锅架，哈哈，不过，又渗入啲日式元素晌火锅中，火锅新秩序。餐厅呈L型，入到餐厅，都有少少和风感，主要喺墙上嘅彩绘，画得真喺几靓、几吸精，而近厨房一边有几张梳化位，我就觉得特别好坐，够晒舒服。呢度仲会有英超直播，就嚟到季尾，啲比赛会更加精彩，咁嚟呢度打边炉就唔会错过啲赛事，啱晒啲波友。最鬼马嘅喺，店长话有时会僻餐厅一角放咗啲结他、鼓……，可以俾人即兴街头表演（Busking），有现场音乐伴食，够晒过瘾。餐厅无餐牌，采用二维码落单，小弟就尝试截图俾大家睇睇餐牌有啲咩选择。海鲜类、丸类、蔬菜类都有拼盘供选择，所以，先向此埋手，再散点其他食材。食之前，先讲讲调味料，枱侧一大个九宫格调味架，有芫荽、辣椒、葱粒、金蒜、辣椒油、芝麻酱、花生粒、腐乳及蒜蓉，再加3款酱汁：生抽、柚子汁、烧汁，颇有心思。日式鲷鱼浓汤 $108打边炉汤底梗喺重点嚟，文初都讲到呢度会渗入日式元素，3款汤底就明显充分表现出嚟，包括：日式鸡白汤
餐厅呈L型，入到餐厅，都有少少和风感，主要喺墙上嘅彩绘，画得真喺几靓、几吸精，而近厨房一边有几张梳化位，我就觉得特别好坐，够晒舒服。
呢度仲会有英超直播，就嚟到季尾，啲比赛会更加精彩，咁嚟呢度打边炉就唔会错过啲赛事，啱晒啲波友。
最鬼马嘅喺，店长话有时会僻餐厅一角放咗啲结他、鼓……，可以俾人即兴街头表演（Busking），有现场音乐伴食，够晒过瘾。
餐厅无餐牌，采用二维码落单，小弟就尝试截图俾大家睇睇餐牌有啲咩选择。海鲜类、丸类、蔬菜类都有拼盘供选择，所以，先向此埋手，再散点其他食材。
食之前，先讲讲调味料，枱侧一大个九宫格调味架，有芫荽、辣椒、葱粒、金蒜、辣椒油、芝麻酱、花生粒、腐乳及蒜蓉，再加3款酱汁：生抽、柚子汁、烧汁，颇有心思。
日式鲷鱼浓汤 $108打边炉汤底梗喺重点嚟，文初都讲到呢度会渗入日式元素，3款汤底就明显充分表现出嚟，包括：日式鸡白汤、日式猪骨浓汤、日式鲷鱼浓汤，店长话全部汤都喺真材实料即日新鲜熬制，可为诚意十足。前两者食拉面都曾试过，最后者个人觉得比较特别，汤色浓香不浊，先喺嚟试下啖汤，入口超鲜甜，鱼味浓，里面仲有啲好嫩滑嘅豆腐同埋健康嘅昆布，正呀喂。
日式鲷鱼浓汤
$108
1 浏览
0 赞好
0 留言
仲有，加汤就确喺加汤，而唔喺加水，所以，由头到尾都保持浓郁，到最后用嚟加落啲拉面度食，真喺一流。
可乐、西柚梳打@$15打边炉唔少得汽水相伴，老友饮可乐，小弟就喜欢西柚梳打多啲，𠮶一阵阵汽泡及凉快感，令打边炉更添乐趣。
海鲜拼盘 $198拼盘包括大大只嘅白蚬、大海虾、南非鲍鱼，睇落食材新鲜，不过，新唔新鲜一食就知，无得呃。先试啲白蚬，一来大大只，够厚肉，二来入口肥美鲜甜，带少少海水咸鲜味，又唔会有沙，高质；再试就大海虾，同样够晒大只，新鲜又弹牙，沾丁点酱油，鲜味更突出；轮到讲件鲍鱼，口感咬落有韧劲之余，亦有弹牙感，鲍味鲜甜。
海鲜拼盘
$198
0 浏览
0 赞好
0 留言
杂丸拼盘 $128一份拼盘共有8款食材，包括蟹籽丸、牛丸、炸鱼蛋、芝士丸、贡丸、鱼片头鱼、墨鱼丸、鱼皮饺，样样两粒，我哋3个当然分唔匀，但每人都试到5、6样。呢个部份唔算好特别，志在过吓口瘾，相反，打边炉无三几款乜丸物丸，又好似感觉差少少咁。
手打墨鱼滑 $68如果唔好丸类，唔叫都无妨，不过，呢个手打墨鱼滑就点都要试吓，因为一客份量几多，最重要喺个墨鱼味突出，渌好嘅墨鱼滑好弹牙，好食！
手打墨鱼滑
$68
0 浏览
0 赞好
0 留言
除墨鱼滑，另一推介喺啲白鳝片，啲白鳝片好有质素，望上去外观好有光泽，入口好有鱼鲜味，最正喺𠮶一份爽脆感十足，沾点酱油提鲜，更加正。
白鳝
$88
0 浏览
0 赞好
0 留言
美国羊肩肉片 $78、黄喉 $58、澳洲M5和牛牛板腱 $108跟住呢一轮就试吓啲肉类，最心水喺牛板腱同啲羊肩肉，难得两位老友都钟意食羊，再加一份黄喉，好和风嘅木盒装上嚟，份外好睇。啲羊肩肉好嫩滑，膻味唔太重，相信一般人都食到；牛板腱采用澳洲M5和牛级数，自然差唔得去边，轻灼就可以入口，口感软腍，肉味香浓，却又不失微微油香；而黄喉切开成一片片，灼过之后，口感非常之爽脆。
蔬菜拼盘 $98平衡吓咁就梗喺要食番多少少菜啦，一份蔬菜拼盘有齐粟米、白萝卜、金菇、冬菇、生菜、皇帝菜、娃娃菜，悭番谂嚟谂去嘅烦恼，而啲蔬菜都几新鲜。
新沾记水饺 $58、白鳝 $88近尾声，再追加多一份白鳝，上文分享咗就唔多讲，另外，店长推介试吓新沾记水饺，果然有水准，水饺唔单止超大只，包得丰满，仲落足料，口感十足，好食。
新沾记水饺、白鳝
0 浏览
0 赞好
0 留言
武藏野手打拉面 $48平常去到尾，都会嗌一客公仔面或乌冬垫垫肚，今次嗌咗一份手打拉面，卖相正头好似平时去拉面店食嘅拉面咁样，有齐鸣门卷、笋干、木耳丝、葱粒同紫菜，倒啲火锅汤落去就食得，好有日本风味，而啲拉面好爽口，真喺唔错。
今餐食得好称心满意，食得出汤底用心制作，食材新鲜，而招呼又好唔错，店员手脚快，服务殷勤。
张贴
