家賀屋刺身寿司專門店

天气咁热，晚餐多咗食日本菜降下温。今日去咗湾仔家贺屋刺身寿司专门店食，贪佢好食之余又食得舒服。餐厅用QR code 落单，非常方便，亦贴心预留位置俾食客摆袋系凳底。我哋一嚟就叫咗特选鲔盛，寿司饭已经有豉油，唔需要额外调味都可以，吞拿鱼各部位都好出色，赤身鱼味浓郁，中拖罗油脂分布均匀，大拖罗咬落去成个口满布油份，非常邪恶。之后叫咗加贺寿司，一啖有哂海胆、虾同吞拿鱼蓉多重鲜味。我仲追加咗𩽾𩾌鱼肝寿司，鱼肝好厚实，仲有小小辣吊一吊味。炸三文鱼皮，炸到好香脆，同一般炸鱼皮相比仲有好脆嘅鱼鳞。西京烧三文鱼鲛，上菜时烧得啱啱好，热辣辣而且酱料味道浓沃，三文鱼肉质结实，鳍嘅部分就好重胶质。之后就系令人好满足嘅刺身，全部好足料好大件。首先有岩手县赤崎蚝，大到一啖食唔晒，好好肉地，而且咬落仲有海水咸味；牡丹虾食埋虾头都唔腥；三文鱼腩够肥美，油脂感十足。特盛山椒鳗鱼丼，鳗鱼好厚，肉身又够腍，边位仲有少少炭烧味，鱼皮亦胶质十足。最后系北海道千层云呢拿蛋糕同朱古力心太软，千层蛋糕嘅云呢拿味好香，心太软就好重朱古力味，简直系完美嘅终结。饮品我哋叫咗冰啤，有唔同嘅味道，我哋分别叫咗接骨木花味同蜜桃味，前者清香，后