新泰東南亞餐廳 (已結業)

夜晚8点几9点嘅时候，想揾间近湾仔站嘅餐厅食饭。最后，简左呢间餐厅。不得不提嘅系，佢地嘅装修真系好有泰国风味，连啲员工嘅衣著都一样咁有泰国feel我地叫左1个菜、2个𩠌同埋一个炒饭。食到劲饱！见到「飞天通菜」个名咁特别，叫左黎试！只系少少辣，啲辣味唔会盖过其他香料嘅味道，所以我自己觉得个味道几好。之后叫左个烧猪颈肉，呢个猪颈肉切得好薄，所以食岩唔会韧，咬两咬就得啦。再加埋佢地个酱，酸酸甜甜。重点系劲大份，劲多块，呢个真系抵食。呢个泰国街边猪肉串配嘅酱同猪颈肉个个一样，都系酸酸甜甜。我地觉得佢烧得岩岩好，所以食落口都几多肉汁，就咁食同配饭食都可以。仲有叫左个虾酱炒饭，呢个炒饭个份量好大。上到嘅时候，见到好有心思，配左啲炒蛋丝同埋腊肠。虽然佢系虾酱，但可以放心嘅系唔会太咸之余，仲会食到淡淡嘅虾酱味，所以调味系岩岩好。