影片
更多
2024-04-24
336 浏览
韩国被誉为Cafe之乡，每次去韩国旅行，都会特登去一啲极具特色嘅cafe打卡。韩国嘅cafe文化其实都渗入香港，唔少过江龙嘅cafe喺香港开设分店，其中包括位于尖沙咀海港城嘅Terrace in Seaside。Terrace in seaside源于韩国仁川，而香港分店以韩国总店为蓝本，采用简约白与大地灰两种颜色作主调嘅木系设计，配以绿色植物布置作装饰，营造自然大地风格。BBQ辣炒猪肋排啖啖肉嘅猪肋肉肥瘦分明，用秘制嘅酱汁调味，非常惹味！食嘅时候可以将生菜夹上猪肋肉、洋葱等配料一齐食，生菜除咗可以减低油腻感，更增加整道食物嘅口感。让人疯狂的蜂蜜无骨炸鸡讲到新兴嘅韩国菜，又点少得炸鸡呢！炸鸡即叫即炸，外皮香脆，肉汁嫩滑，但食韩国炸鸡，重点当然系酱汁啦！Terrace in seaside嘅炸鸡酱汁有唔少选择，呢个让人疯狂的蜂蜜，非常香甜，更可以减轻炸鸡嘅油腻感，绝对系Perfect match。泡菜牛肉炒饭至于今晚嘅第一道主食，就拣咗泡菜牛肉炒饭。饭底炒到干身，而泡菜融入炒饭中，令炒饭完美渗入泡菜嘅香味之余，亦增加口感。山蓟菜大蚬意粉韩式洋食就拣咗山蓟菜大蚬意粉，酱汁非常Creamy
Terrace in seaside源于韩国仁川，而香港分店以韩国总店为蓝本，采用简约白与大地灰两种颜色作主调嘅木系设计，配以绿色植物布置作装饰，营造自然大地风格。
BBQ辣炒猪肋排
啖啖肉嘅猪肋肉肥瘦分明，用秘制嘅酱汁调味，非常惹味！食嘅时候可以将生菜夹上猪肋肉、洋葱等配料一齐食，生菜除咗可以减低油腻感，更增加整道食物嘅口感。
让人疯狂的蜂蜜无骨炸鸡
讲到新兴嘅韩国菜，又点少得炸鸡呢！炸鸡即叫即炸，外皮香脆，肉汁嫩滑，但食韩国炸鸡，重点当然系酱汁啦！Terrace in seaside嘅炸鸡酱汁有唔少选择，呢个让人疯狂的蜂蜜，非常香甜，更可以减轻炸鸡嘅油腻感，绝对系Perfect match。
泡菜牛肉炒饭
至于今晚嘅第一道主食，就拣咗泡菜牛肉炒饭。饭底炒到干身，而泡菜融入炒饭中，令炒饭完美渗入泡菜嘅香味之余，亦增加口感。
山蓟菜大蚬意粉
韩式洋食就拣咗山蓟菜大蚬意粉，酱汁非常Creamy ！意粉挂汁，配料除咗大蚬之外亦有大虾，份量丰富十足。
朱古力慕丝
甜品嘅朱古力慕丝，口味迎合港人，朱古力既苦又甜，整体嚟讲唔算太甜。
西柚恋曲气泡梳打、咸咸地奶油维也纳咖啡
你到Cafe又点笑得咖啡呢，炎夏嘅天气就拣咗西柚恋曲气泡梳打，酸酸甜甜嘅西柚加上梳打，够晒解渴；咸咸地奶油维也纳咖啡，将咸味融入咖啡相对少见，饮嘅时候有一种咸味爆谷嘅感觉，亦带有咖啡嘅香浓味道。
张贴
