影片
更多
2020-02-05
206 浏览
来尖沙咀向长辈拜年，晚饭就顺便在附近解决。由于新年期间吃了太多煎炸食物，所以想清清地吃点粥面。途经乐道，见到这间「潮发粥面茶餐厅」，探头内望，舖面虽然不大，但地方都几干净企理，一于试下。餐牌压咗系台面嘅玻璃下面，另外墙身上亦挂了不少食物相片，项目一目了然。原来呢间餐厅嘅食物选择都几多，除咗有粥品、面食之外，仲有饭类、汤类及小菜类等供应。我哋点咗肠粉 ($15)、鲜虾云吞、炸酱捞面、鲩鱼腩粥同饮品。碟肠粉味道真系唔错，入口皮薄而不散，软身但又唔会过腍，滑溜富弹性，食到一层层肠粉皮。至于酱汁方面，无论系豉油、甜酱、麻酱都下得毫不吝啬，唯一可惜就是没有洒上芝麻，否则食味更佳。鲜虾云吞，啲云吞好巨型，粒粒都好似乒乓波咁大，虾肉比例相称，内馅虾肉弹牙，而且猪肉唔会好腻，加上云吞皮，薄而不烂，真正做到皮薄馅靓！最开心就系碗云吞仲有生菜垫底，食多啲菜，健康又有益。接著送上的炸酱捞面 ($51) 亦非常之有水准，面条够细够爽，软硬适中兼弹牙，入口完全无碱水味，配上炸酱肉丝，极之惹味讨好。最特别就系炸酱入面竟然加咗啲潮州酸辣菜，味道辛香但又唔太辣，令人相当难忘！推介要吃。鲩鱼腩粥 ($46) 个粥底做得
来尖沙咀向长辈拜年，晚饭就顺便在附近解决。由于新年期间吃了太多煎炸食物，所以想清清地吃点粥面。途经乐道，见到这间「潮发粥面茶餐厅」，探头内望，舖面虽然不大，但地方都几干净企理，一于试下。
餐牌压咗系台面嘅玻璃下面，另外墙身上亦挂了不少食物相片，项目一目了然。原来呢间餐厅嘅食物选择都几多，除咗有粥品、面食之外，仲有饭类、汤类及小菜类等供应。
我哋点咗肠粉 ($15)、鲜虾云吞、炸酱捞面、鲩鱼腩粥同饮品。碟肠粉味道真系唔错，入口皮薄而不散，软身但又唔会过腍，滑溜富弹性，食到一层层肠粉皮。至于酱汁方面，无论系豉油、甜酱、麻酱都下得毫不吝啬，唯一可惜就是没有洒上芝麻，否则食味更佳。
鲜虾云吞，啲云吞好巨型，粒粒都好似乒乓波咁大，虾肉比例相称，内馅虾肉弹牙，而且猪肉唔会好腻，加上云吞皮，薄而不烂，真正做到皮薄馅靓！最开心就系碗云吞仲有生菜垫底，食多啲菜，健康又有益。
接著送上的炸酱捞面 ($51) 亦非常之有水准，面条够细够爽，软硬适中兼弹牙，入口完全无碱水味，配上炸酱肉丝，极之惹味讨好。最特别就系炸酱入面竟然加咗啲潮州酸辣菜，味道辛香但又唔太辣，令人相当难忘！推介要吃。
鲩鱼腩粥 ($46) 个粥底做得相当出色，好鲜好绵。鱼腩下得好慷慨，分量劲多，足足有成三大件，而且咬落超滑溜，加上够晒厚肉，配沾了鱼肉的粥底吃，鲜甜惹味！
饮品点咗丝袜奶茶 ($17) 同柠檬柑桔露 ($19)，我唔系奶茶粉丝，不过听讲呢杯味道都唔错，茶质非常香滑，喝起来不过浓亦不太涩，带清香。至于我点的柑桔露，一入口即能感受到浓郁的柑桔香味，还有颇明显的酸度，近排天气冻冰冰，饮完真系好舒服，够晒暖胃。
张贴
