潮．悅 (始創中心)

营业中

休息中

呢間餐廳算係將中菜做到極致裡去，唔止好多創意菜，味道又做得好精緻。唔使乜鮑參翅肚，就係炒腸粉都會讓你感動到流淚。點評一下幾道菜啦😋招牌叉燒皇厚切叉燒烤得好靚仔，色水潤澤又有濃邊，肥瘦適中，脂肪入口即溶，肉質鬆軟中亦不失口感，蜜味濃郁亦帶點焦香🤩😋椒鹽魷魚鬚食落夠晒香口，咬落亦夠爽口，唔會有糊口嘅情況出現。😋竹笙扒上素 蔬菜類可以清一清味蕾，竹笙上素軟腍入味，底下仲有好多菇類同蔬菜。😋長腳蟹炒腸粉，肉質鮮美嫩滑，蟹嘅鮮美，香氣四溢，腸粉外皮經過煎炸表現香脆，而內裡依舊係滑口又香軟配上醬油嘅濃香，口感豐富唔少，精緻又好味。