百份百餐廳 (平田商場)

营业中

休息中

喺下午茶時間收工，屋企樓下就係百分百餐廳，於是入咗去。本身想食西多士，西多士有得揀糖漿或者煉奶，揀咗糖漿。不過又有啲肚餓，於是嗌多咗個爽蛋酸辣魚片頭米線，米線可以揀辣度，除咗魚片頭仲可以揀貢丸或者豬肉片，都好多唔同選擇。下午茶仲包飲品，嗌咗朱古力同埋熱杏霜，朱古力仲可以揀濃啲，飲落真係濃味啲唔係其他餐廳水溝牛奶嗰啲，而杏仁霜都好香濃好香滑奶味都有杏仁味，唔係真係Hea你真係有落足粉去開嘅。成餐飯好滿足，到兩杯飲品好surprise，冇諗過茶餐廳都飲到咁濃味嘅飲品。