（難得一場來到西貢嘛）
行到過去見到有哩間嚐糖
仲要無乜人，諗住哩間好有勇氣
開係滿記隔離唔怕嘛？
然後萌起一種試試無妨既心態
於是完全無猶豫，直接進店skip滿記😂
佢既內裝潢都唔錯，幾小清新
而且menu係之前讀書既exercise book
都未夠！啲嘢食個名都好搞笑！
我嗌jor紫薯正妹😇
朋友仔嗌jor涼校長、黑糖豆花原居民、腐竹白果原居民同楊枝甘露涼粉
不得不說全部都好好味！♥️♥️
我個紫薯正妹中間有一球紫薯泥
（你可以食得出係真係成舊番薯磨俾你）
然後紫薯奶好香～
仲配以芋圓同西米俾我😙😙
因為我嗌jor熱既，所以味道好濃郁而且好滿足
不過就有啲飽...因為紫薯始終係澱粉質
朋友既楊枝甘露都好好味😍
我覺得佢好食過滿記！🤓
大家去西貢唔好去滿記啦去嚐糖吧！
見下啲涼校長、花師奶同埋miss河吧🤣
1
