麻辣舖 (已結業)

朋友話公司附近有間好抵食嘅外賣店，主打港式同麻辣系列嘅美食，最緊要平靚正，方便又快捷。全部即叫即整，需要等候一段時間，建議先落單，差唔多時間再去攞就OK👌飯有焗、炊、蒸同蔥油，款色比一般嘅快餐店仲要多選擇🤪 和風三文魚野菌炊飯賣相一流，五顏六色，未食已經覺得吸引。調味適中，感覺健康，飯粒粒分明，搭配嫩滑嘅三文魚，讚。蒸飯好hit，賣曬就無。要咗士魷同鹹蛋肉餅各一，鬆化好味，肉嫩多汁，容易咬開，老少咸宜，唔會好鹹，配飯一流。另外加點雜菇，用香草炒開，都幾入味，值得一試。