本記亞倫冰室

营业中

休息中

今日約咗FD子去長洲hea下，行到晏晝三點幾又熱又攰就求其搵咗間茶餐廳食下嘢涼冷氣。以下午茶餐嚟講價錢算係偏貴。牛肉沙爹味濃有牛味，湯底本身無乜味但溝埋沙爹汁味道啱啱好。通粉彈牙有口感唔錯。叉燒有甜味唔係啲染色叉燒幾好食。湯底清清淡淡無乜味，加咗三色豆同椰菜令平凡中帶一點色彩。炒蛋幾滑嫩，火腿就普普通通。方包一塊開二，中間塗一層薄薄的牛油，食完一定唔會覺得’漏’。茶底濃郁甘醇，意外地好飲。食物水準唔錯冷氣又夠涼，幾啱行到攰嘅遊客入嚟休息下。