影片
更多
2023-08-27
176 浏览
之前真汉子认识有素食嘅泰菜餐厅都系响九龙区，今次为大家介绍嘅 Check In ThaiViet 就位于上环（近西营盘站），适合响港岛区工作或居住嘅素友们。🥦😘虽然唔系素食餐厅，但佢有一页六款嘅素食餐牌，同肉食朋友嚟食饭唔使剩系咬通菜喇。🥳🎉我同太太今次试咗：🇻🇳 越式米纸素卷 $78有沙律菜同牛油果包响米纸中，点啲甜酸汁一齐食。材料够新鲜，但可以想像到会比较大草青味，所以平时食开沙律嘅朋友会较易接受。🥗🍜 金不换杂菜干炒河粉 $98 （有蛋）可能冇哂河粉所以上嘅系金边粉。杂菜有西兰花，红萝卜，云耳，粟米芯。啲蛋炒芸哂落啲金边粉度，加埋金不换嘅独特香味，每啖粉都好香口好好食。😋🍛 杂菜炒饭 $88（有蛋）叫呢个之前同太太犹豫紧好唔好叫，因为我形住会好斋同干噌噌，后尾都叫咗。食咗之后我几肯定，炒嘢应该系个厨嘅强项，因为个炒饭重好食过个炒金边粉。👍啲饭炒得好干身，蛋又平均分布响饭度，所以粒粒分明。杂菜有红萝卜粒，粟米粒同豆角粒（啱哂三色豆 fans 😝），仲有少少葱花。虽然配料好简单，但食落完全唔觉单调。其实呢个菜唔系越式又唔系泰式，比较接近港式嘅炒法，不过我觉得最紧要好食啫，你哋话系唔系
虽然唔系素食餐厅，但佢有一页六款嘅素食餐牌，同肉食朋友嚟食饭唔使剩系咬通菜喇。🥳🎉
我同太太今次试咗：🇻🇳 越式米纸素卷 $78
越式米纸素卷
$78
35 浏览
0 赞好
0 留言
🍜 金不换杂菜干炒河粉 $98 （有蛋）
金不换杂菜干炒河粉
$98
33 浏览
0 赞好
0 留言
🍛 杂菜炒饭 $88（有蛋）
杂菜炒饭
$88
23 浏览
0 赞好
0 留言
啲饭炒得好干身，蛋又平均分布响饭度，所以粒粒分明。杂菜有红萝卜粒，粟米粒同豆角粒（啱哂三色豆 fans 😝），仲有少少葱花。虽然配料好简单，但食落完全唔觉单调。其实呢个菜唔系越式又唔系泰式，比较接近港式嘅炒法，不过我觉得最紧要好食啫，你哋话系唔系？😸
🍲 素翅豆腐木耳羹 $108
素翅豆腐木耳羹
$108
27 浏览
0 赞好
0 留言
餐牌上仲有其他蔬菜类如炒通菜，炒椰菜苗，粉丝杂菜煲等素友们都可以嗌，甜品除咗芒果糯米饭，我见到越式杏片炸香蕉都几特色㖞，如果唔系食饱咗都想叫嚟试吓。😜
注意餐厅座位唔多，所以预早订位比较稳阵（星期日休息）。📞
题外话/补充资料：
题外话，今次第二次嚟西营盘食嘢，我几钟意呢度，因为有港岛独有嘅气息之余又冇乜游客，真系清泉。最近香港嘅旅游业复常返，好多地方如旺角，尖沙咀，中环都唔系好敢去了，就借呢个机会发掘吓唔同地区嘅小店去试食吓都系好事嚟嘅。☺️😎
(以上食记乃用户个人意见 , 并不代表OpenRice之观点。)
张贴
