武士拉麵 (已結業)

工作中忙里抽闲既时候，与同事突然一致地想食拉面，即刻search到公司附近既呢间小店!由于整条街大多数以韩食店为主，不过红色招牌既拉面店都好易揾到!店内装修简洁，保留日本传统拉面店既格局，一行约有10座位，bar台位正正望住厨师以熟练既姿势料理出一碗碗热辣辣既拉面!背后墙上既衣架可挂上外套，设计细心!各款拉面以各个将军名而命名，要边个将军好呢?!最终拣左四国香葱油汤底拉面，其他拉面店无，呢个几特别!猪骨汤底无足利将军咁浓同油，但大量清香既葱花好香，而且唔会愈食愈咸，面质弹牙，薄切既叉烧肥瘦适中又唔韧，加上黑椒粒铺面更香口，真想食多几片!+$10既溏心蛋软软的，半融既蛋黄色泽鲜艳，入口即溶，果然无加错拉面本身已够味，但好奇心试下台面既调味料，红色果个辣椒油几够辣，黑色果个系叉烧上既黑椒油，仲有一支店长既特制鱼油，好香鱼味，唔错喔!至于同事既黑蒜油猪骨汤拉面，我试左啖汤，汤底更浓！