Lonely Paisley

营业中

休息中

饮品：Spanish Dessert Tea（$68）见到写明没有咖啡因，所以晚上都可以饮茶了（笑）。闻落有淡淡的香甜味，但饮落只有淡淡的茶味。饮品：Tokhm-e Sharbati（$58）味道十分特别，唔系太识得点形容，大概就系香草柠檬汁（味道应该再复杂啲）。估唔到是旦乱点，但味道又几好饮。小食：墨西哥三重芝士鸡肉馅饼配自家制四川麻辣酱（$88）馅饼饼皮软熟，芝士味唔算太浓，但麻辣酱好惹味，又麻又少辣，估唔到又好夹芝士馅饼，好味道。主菜：伊朗香草炖羊（$178）大大只羊膝，啖啖肉，炖得颇腍，肉质软嫩，带有少少羊骚味；香草茄酱清新，中和羊肉味道；配菜有蕃茄同薯仔。主菜：印度Masala慢煮牛肋条烩饭（$148）酱汁少辣，十分惹味，烩饭饭粒系我钟意嘅外软内微硬；牛肋条肉质超腍，味道不错。失策，唔记得影相（哭）。店内装修充满异国风情，近门口位有三张特色餐枱。其他餐桌空间比较近（所以隔离枱交谈会有啲嘈），而且桌面唔系好大，放两碟食物已经无咩位。PS：加一服务收费。用餐时间120分钟。