餓鳥麼 (已結業)

原本諗住去碼頭商場食嘢, 經過兆禧苑見到新開咗food court, 諗住走入去行個圈,見到呢間食店個名 幾特別睇下食物啲poster都幾好樣咁,於是決定坐低試下佢個招牌海南雞飯唔試由自可, 一試真係驚為天人完全冇諗過一個屋邨food court居然會食到咁好味嘅海南雞飯.雞肉嘅嫩滑程度, 就好似隻雞敷咗SKII咁,而啲鷄油飯嘅油香,連平時食好少飯嘅我, 都忍唔住KO曬佢.一路食一路感嘆, 咁好彩居然俾我撞到間咁好食嘅海南雞飯.再睇埋個價錢, 性價比之高,簡直係全港冠軍,嗰啲所謂名店(天X, 水X)真係行埋一邊.希望咁有質素嘅食店, 會有更多人認識啦