喜月 - 澳門賽馬會會員會所 (已結業)

姑姑返鄉整年, 回港俾班同學老朋友輪住洗塵﹐ 食到變咗圓碌碌肥師奶. 公公叫我記得買張六合彩, 話蘇格蘭個位二十億得主同我一個身形.中國會, 澳門賽馬會喜月廳, 香港賽馬會凱旋廳﹐ 打吡廳美心八月芳又一城翰騰閣第一次到澳門賽馬會香港會所, 公公好耐無開車到上環﹐ 架車圍住信德凼凼轉﹐ 埋唔到入停車場﹐ 電主人﹐ 佢地兩架車都揾唔到車位﹐ 停車場滿晒. 公公一頭煙﹐ 話唔去﹐ 返家. 要凼番佢. 都係個句﹐ 食會所無私家停車場要扣好多分. 泊好架車﹐ 在信德凼凼轉又揾唔到賽馬會, 到最後揾到間 sauna 按摩室轉後面才是澳門賽馬會. 無乜期望. 定咗金潮閣﹐ 人太多改喜月食上海菜, 地方細細但骨子﹐ 客人唔多﹐ 招呼欣勤, 主人識食﹐ 當晚所點菜式盡皆精品﹐ 好耐無食過甘靚嘅魚翅湯﹐ 連大大碟嘅金華火腿湯渣都唔晒打包回家. 炒蝦仁見真章. 好耐好耐未食過甘好嘅上海菜哪, 老飯店﹐ 滬江要靠邊站了. 要翻食﹖ 凼下老朋友了. 抵唔抵食? 唔知﹐ 恐怕都唔平.