2
先講青木瓜沙律，一入口酸辣醒神，木瓜絲爽脆到「索索聲」，魚露嘅鹹香同青檸嘅清新撞到正，開胃到食唔停口！
跟住係豬肉生菜包，炒香嘅豬肉碎帶少少辣，用新鮮生菜包住食，一啖咬落去，菜嘅清甜中和咗肉嘅油膩，口感豐富又惹味！
泰式菠蘿海鮮炒飯賣相好靚！炒飯乾身唔油，每粒飯都沾滿咖喱粉香，仲有大大粒蝦、魷魚同帶子，海鮮鮮味突出，仲有肉鬆增添甜鹹層次，口感一流！
最後沙爹串燒拼盤（豬牛雞三款），燒到微焦香口，肉質嫩滑唔乾柴，尤其係個沙爹醬，濃郁花生香帶少少甜，蘸多兩蘸都唔覺滯！
上菜嘅速度都好快店員招待亦都好有禮貌
如果去開呢頭食泰國菜嘅話呢個都係一個唔錯嘅選擇
