好意餐廳 (已結業)

家人都鍾意食泰國菜，我又剛去完泰國，想比較下呢間新開幾個月嘅泰國餐廳，結果比想像中好。lemon 烏頭，肉碎包菜，椰菜苗都好食，見濶肚窄，加叫串燒，飽到抱住個肚。我地估唔係泰國人開，因為無泰王嘅相，原來全部後廚都係泰國人，老闆娘講泰文架。可能我家口味偏淡，沙嗲串，咖哩蝦較咸。服務員好好態度，聽到我地反映，連聲多謝，話會再試，加以改善。大家可以試龍眼冰，點某些送菜加7蚊便有。老公開心就叫支酒，話$25/支大啤酒好抵。希望佢地生意好，改變呢個位經常轉手嘅宿命！