鯉魚門度假村餐廳(咖啡閣) (已結業)

n 年前入鯉魚門度假村係因為學校camping，通常都係BBQ/中菜，咖啡閣就冇上過去。最近知道政府已經將都佢定咗法定古蹟，又見佢從新開放，就約朋友入去日營食個tea同行吓當day trip，入面的環境好似美利樓，但又唔駛迫，遠眺對岸海景好舒服。食物簡單西餐為主，我地點左煙三文魚意粉蟹肉意粉，咖啡好飲。食完晏繼續吹水，見有做旋轉木馬下午茶，見又唔係貴，就再下一城繼續食，店主好有心思，即場配個旋轉木馬音樂盒用餐好搞笑😆總的來說，呢個景觀、建築、食物、咖啡都要再encore，遠離繁囂，好啱放鬆傾談的地方。