影片
更多
2015-09-06
1084 浏览
朋友屋企開PARTY,入得厨房出得廳堂嘅新世代厨神一手包辦十人份珍饈百味。橫掂要帶酒去助興，特然好想食新鮮生蠔，法國GILLARDEAU 係我至愛！！上網諗住格吓價，見有人寫BLOG，話訂原箱生蠔，夠體面又型，即時SEARCH吓邊度有先。見到呢個網站有做原箱空運ORDER,而且點出原箱訂，可以避免摻雜唔新鮮甚至混水摸魚濫蠔充數嘅情況，加上無開箱，生蠔無被人騷擾過，容易保持新鮮同入貨時嘅良好狀態。睇落吸引就故且一試。加上市面一隻GILLARDEAU NO.2都要$28,咁呢次訂GILLARDEAU NO.0都只係$31，可謂超值啦。講明生蠔要一星期預訂，我早兩星期就落定ORDER。到收到生蠔嗰一刻真係好雀躍。簡單嘅木箱，淡花包裝紙，廿四隻蠔大小相若，完整乾身。 訂貨時店員特地WHATSAPP我，教我將蠔先浸冰水15-20分鐘，令蠔更爽身冰凍。經呢個程序處理完，蠔肉果然爽脆。GILLARDEAU 不愧蠔中勞斯萊斯，本來擔心0號蠔身大肉厚會會影響口感，每隻蠔雖然有手掌咁大，成5至6吋長，但入口依然嫩滑鮮甜，海水味濃，入口回甘，AFTER TASTE久久不散，難得喺香港都可以食到咁
朋友屋企開PARTY,入得厨房出得廳堂嘅新世代厨神一手包辦十人份珍饈百味。橫掂要帶酒去助興，特然好想食新鮮生蠔，法國GILLARDEAU 係我至愛！！上網諗住格吓價，見有人寫BLOG，話訂原箱生蠔，夠體面又型，即時SEARCH吓邊度有先。見到呢個網站有做原箱空運ORDER,而且點出原箱訂，可以避免摻雜唔新鮮甚至混水摸魚濫蠔充數嘅情況，加上無開箱，生蠔無被人騷擾過，容易保持新鮮同入貨時嘅良好狀態。睇落吸引就故且一試。加上市面一隻GILLARDEAU NO.2都要$28,咁呢次訂GILLARDEAU NO.0都只係$31，可謂超值啦。講明生蠔要一星期預訂，我早兩星期就落定ORDER。
到收到生蠔嗰一刻真係好雀躍。簡單嘅木箱，淡花包裝紙，廿四隻蠔大小相若，完整乾身。
訂貨時店員特地WHATSAPP我，教我將蠔先浸冰水15-20分鐘，令蠔更爽身冰凍。經呢個程序處理完，蠔肉果然爽脆。
GILLARDEAU 不愧蠔中勞斯萊斯，本來擔心0號蠔身大肉厚會會影響口感，每隻蠔雖然有手掌咁大，成5至6吋長，但入口依然嫩滑鮮甜，海水味濃，入口回甘，AFTER TASTE久久不散，難得喺香港都可以食到咁新鮮美味嘅生名牌生蠔，難怪咁多人會去參加開蠔班，即開即食法國蠔，滋味非一般自助餐工廠式大量開定嘅蠔可以媲美。
P.S.今次訂蠔送嘅蠔刀都幾好用
张贴
