沙嗲王 (已結業)

虽然间沙嗲王啲服务员态度麻麻，不过胜在佢啲野食真系好鬼死啱我胃口，所以就算点忙，我都要定期抽时间过嚟呢边食翻餐劲噶 鳗鱼炒饭，炒饭炒到金黄金黄噶，而且味道浓郁，在配上葱花，鸡蛋同鳗鱼，入口丰满，粒粒饱满，不过就系鳗鱼比较少，几乎只有炒饭，见唔到几粒鳗鱼。 芒果鲜虾沙律，用新鲜噶芒果配上蔬菜沙律同鲜虾，食落去有淡淡噶柠檬味，好香，再配上好味噶沙律酱，好快就食晒啦 沙嗲米线噶汤底味道浓郁，啲米线煮噶时间啱啱好，唔会话夹起身好易断 虾饼呢，食落去似炸鸡块，入面主要唔系虾，系用虾粉整成噶，好香口