新美棋餐廳小廚

营业中

休息中

我小時候到依家成日幫襯既茶餐廳，有日我去開嗰度附近睇醫生，順便喺嗰度食埋早餐；我叫咗份早餐，入面有我最愛既沙嗲牛肉米、奄列&餐包。食咗之後，味道跟以前一樣 ——— 好味。主要原因：來自 —— 沙嗲牛肉，通常其他餐廳既沙嗲牛肉都冇用沙嗲醬醃過啲牛肉，煮完啲牛肉後，就咁淋啲一罐罐喺街都可買到既沙嗲醬放上牛肉&麵/米粉。依間餐廳既沙嗲牛肉係有醃過；另外，沙嗲醬食落係似自家製既沙嗲醬。我見依間野既食評唔係咁好；但係實質上依間餐廳最好食既食物係：沙嗲牛肉麵/米粉、牛腩麵/米粉、牛雜麵/米粉，都可以試下叫依啲野食。