江蘇薈 (已結業)

今年中秋，家人都選擇咗提前做節，正日肥肥家族就俾老闆誠邀往上環會所餐廳「江蘇薈」，享用咗一頓豐富o既江蘇菜。據悉，必需要有會員帶同方可內進o既「江蘇薈」正式開業只有一年多，入會費為港幣六千元，其中一千將於餐店中回贈給會員，聽落真係幾抵玩。由於當日老細早已訂好十二人廂房，最後到達o既XO仔未有機會走進大堂觀察，只能拍下接待處旁，牆身貼出o既三頁魚魚簡介。及房內天花上o既水晶燈飾。桌上餐具齊全，整晚仲要係由經理龍哥全程招呼，細心體貼，服務認真一流。人齊當然係要先「乾一杯，乾一杯，恭祝友誼」啦！四小碟之醬蘿蔔：前菜醬蘿蔔爽脆惹味，開胃非常。四小碟之口水雞：對小肥黎講口水雞雖然係辣咗少少，不過雞肉幼嫩潤滑，極之美味。四小碟之冰菜沙律：簡單以麻醬調味o既冰菜沙律清新又清爽，真係好難得有菜可以咁啱細佬口味呀，讚！四小碟之香辣拌粉條：粉條質感好似厚啲o既粉皮咁潤滑，辣辣地都幾得意。清炒河蝦仁：蝦仁爽就夠爽，個人只係略嫌菜式清淡咗啲。扁尖燉竹笙老鴨湯：老火湯好足料，且甜濃火喉夠。薺菜丸子：正當大家以為龍哥中場一人派隻湯丸作驚喜時。。。佢就解釋白雪雪o既丸子入面其實係薺菜。薺菜丸子丸皮柔潤，中間o既薺菜