雲貴軒米線專門店

营业中

休息中

每次經過葵芳一定要食！🥰今次叫三個餸，樣樣餸都好味，仲要份量好多！但因為好好味，一個女仔食曬都冇難度。🤭🍲麻辣湯底、米線湯底好香，唔會好油，飲完唔會好口渴，我叫咗小辣。大概等於譚仔10小辣，叫中辣或大辣相信會更惹味。米線今次腍咗少少，但可接受。🍜 酥炸豬扒+墨魚片+蘿蔔豬扒外皮酥脆，係記憶中嘅滋味！🥹豬扒肉質軟腍多汁，肥瘦適中，唔乾唔柴！墨魚片好厚切🤭口感好彈牙，墨魚味香濃，十分推介，極少地方有得揀呢一味餸。蘿蔔都好清甜，份量又多又大舊。🥤 凍華田味道香濃，真係做到少冰，不過略甜，下次叫少甜應該更加好飲。