泰式生香 (已搬遷) 新店位置

放工約了好耐冇見的友人食飯，大家冇心水食咩好，決定周圍行下睇下有咩食，經過一間泰國菜，諗諗下都好耐冇食泰國野了，好掛住冬蔭功湯，一於入去試下。 是一間小小的店子，裝潢不太特別，牆上掛有少許泰國畫像，但有電視睇果下都幾正，平日的晚上，不太多人。 MENU。 龍眼杯，$20，有好多龍眼肉，但龍眼味又不算好濃，偏甜，味道普通。 冬陰功海鮮湯，$68有蝦、魷魚及蜆等，材料豐富，味道香辣濃郁，不過都幾鹹。 泰式鐵板炒蠔仔，$68，不是用鐵板上，蠔份量適中，蛋太乾了，味道普通。 炒金邊粉，$58，味道酸酸甜甜，微辣，但欠缺花生碎，普通。 馬拉盞炒通菜，$58，份量多，好惹味。 食物水準普通，感覺不太正宗同有點hea，衛生一般，上第一杯飲品時，杯飲品是點污糟要換過，不過服務上不俗的，價格尚算合理。