浩食冰室

营业中

休息中

以前喺元朗工作就會成日黎呢間浩食冰室度食, 以前食嘅感覺相當之好, 令到我今次經過元朗都專登過嚟食個早餐。今次都係食返以前叫開嘅沙嗲牛肉公仔麵, 以前食開就會轉蕃茄湯, 今次佢就話冇得轉蕃茄湯, 要轉羅宋湯(+5蚊), 咁我既然專登過得嚟食就唔會介意個少少錢啦, 照加。先講吓佢個沙嗲牛肉已經唔再有以前咁濃郁咁香, 已經變返普通嘅茶餐廳貨色。牛肉就切得厚薄適中, 亦都幾嫩滑。羅宋湯就真係湯咁, 唔同印象中嘅蕃茄湯底嗰種濃郁嘅感覺, 所以如果大家唔係想飲個羅宋湯都唔會建議轉。雖然整體感覺一般, 冇以前咁好食, 但都係喺茶餐廳之中有水準嘅一間。