別忘了

营业中

休息中

間中都會黎幫襯別忘了，以前比較多食打邊爐，不過而家夏天比較熱冇咁好胃口，就選擇單叫套餐。經常嚟呢度食係因為佢哋嘅食物水準保持得比較好，收費合理。味道比較近乎台灣口味。而且佢哋嘅鹽酥雞、炸雞扒、排骨等等都炸得比較好食，唔會太過油膩，肉質都保持嫩滑。滷肉飯份量足夠，仲有半隻鹵水蛋，同埋少少辣菜脯。而湯麵嘅湯底一般比較濃郁，有試過牛肉湯同埋蕃茄湯，兩款都好好味，又唔會太鹹。台灣麵嘅面質亦都好彈牙，唔會煮到太淋一pat。不過屋企人就覺得佢今次嘅牛肚有少少騷味，唔好食，可能我配埋湯食就唔係好覺。而家套餐仲包1000ml嘅冰紅茶，超大杯，飲極都飲唔哂😂總括嚟講都係一間性價比較高嘅正宗台灣菜！