臺灣鴨舌專門店 (已結業)

話說我琴日2月13號 晚上10.30嘅時候，想食鴨舌 就諗起之前朋友介紹呢間，所以我係網上面搵到佢嘅電話 咁就打去啦。。。咁個姨姨就話佢哋收10.30嘅就問我想要咩幾點嚟到，咁我就話我要成11點先嚟到喎，佢都話OK。問我要啲咩。咁其實我未去過佢間鋪頭，淨係知有鴨舌，但係又唔知有啲咩味喎，咁好正常就會問佢你呢度有啲咩啊？點知個姨姨就係到笑。。其實我真係唔知有咩好笑，我好認真咁問，亦都真係去買，其實真係有啲咩好笑呢。之後我就覺得好唔開心， 所以就同佢講話我唔要啦，就咁收咗線。半分鐘後 個姨姨又打黎問做咩姐 做咩唔要姐。我就好直接咁同佢講， 其實賣得咁開心不如唔好賣啦。我都係因為有朋友介紹話你鋪頭好食，所以上網搵咗個電話打去問你哋收幾點，又係你哋話會等我等到11點都OK。我都係問你鋪頭有啲咩啊， 因為我真係未嚟過。你笑嘅時候，俾我種感覺，唔好，唔願做我生意。老實講， 明知你啲鴨舌唔平， 其實都係因為我自己想食， 我先肯想比咁貴價錢買，再加上有朋友食過話好食，先會令我想去買。但係你哋啲態度真係好差，差到我有錢都唔會再想去食。