金港海鮮酒家 (已結業)

今日休息，自己一個人又想去飲茶，就近近地係屋企附近揀咗間茶樓，屋企人已經一早同過我講呢間茶樓啲嘢食麻麻地，不過見比較近自己又冇乜所謂就落去試吓啦，兩點鐘左右去到下午茶時間，

服務就絕對冇可取之處㗎啦，因為啲姐姐為咗唔想執多張枱就叫我同其他人搭枱，但其實佢哋仲有好多張吉台，我都算啦，自己一個人要求唔算太高，但係原來佢哋連調味料，好似連甜醬同埋辣椒漿都要自己出去拎，完全冇服務可言。。
講番啲食物質素，一個人叫咗六樣嘢食，買單都唔使＄90蚊，係非常平嘅，但味道就真係一般喇。。:(純粹呢個下午茶係為咗填飽個肚，
完