::: 洋蔥豬扒腸仔飯 + 凍華田 ::: $29 + $3
一個tea set 要廿多三十蚊其實唔平, 但係普遍而家嘅茶餐廳都已經係呢d價位, 好彩佢個份量都ok~ 豬扒腸仔各一件, 淋上大量洋蔥汁, 唔怕食白飯冇汁撈~ 腸仔係普通野唔駛講, 豬扒咬落都唔算乾, 入口都唔嚡, 唔錯~ 洋蔥汁雖然都係一般食到嘅, 不過勝在夠多, d飯有少少淋pat pat, 都可以用d汁彌補番~
凍華田夠晒味, 好夠甜, 不過冰唔夠多, 好快融...
::: 芝士焗肉醬意粉 + 凍檸茶 ::: $32 + $3
芝士焗肉醬意粉可以話係茶記下午茶中比較常叫嘅抵食選擇~ 呢個肉醬意粉老實講唔算大份, 但望落肉醬都幾多, 不過芝士份量就一般. 其實肉醬味道唔錯, 夠晒香甜惹味! 之不過主菜意粉就犯上港式意粉通病, 煮到淋哂, 焗完都係無補於事... 令整體扣哂分.
凍檸茶ok~ 茶味濃檸味夠~ 唔錯.
呢d下午茶可謂不過不失, 不見得好出色亦唔會差到貼地. 不過西灣河有咁多平靚正野, 呢度價錢已經係偏貴.
1
1
