影片
更多
2023-12-29
65 浏览
一排无飞台湾，又心思思挂住台湾啲街头卤味。为左一解思乡愁绪，上网左揾右揾，终于揾到评语几好嘅灯笼卤味约埋老友一齐去试下。 餐厅装修好有台湾风格。食物方面，呢间餐厅主打台湾地道卤味小食，可以散叫，亦都可以叫套餐。唔想令有选择困难症嘅朋友伤老筋，今次就点个二人餐慢慢品尝。 灯笼饱饱2人餐 ($208) 套餐包左一份招牌灯笼卤味，一份地道夜市小吃，一份人气台式小吃，一份餐后甜点同埋两杯台式特色饮料。 招牌灯笼卤味 卤味包左六款卤味，一款菜同一款面。牛肚同猪耳卤得好入味，好好食。百页豆腐吸晒汤汁，每一啖都食到卤水汁。萝卜同空心菜都好新鲜，全部都系台湾嘅味道。面食我地拣左王子面，劲有台湾特色。 地道夜市小吃 - 师大秘传卤鸡翅膀(4只) 卤水鸡翼好入味，但又唔会煮到好鞋，火喉控制得岩岩好，不错。 人气台式小吃 - shake shake海苔盐酥鸡 参考快餐店做法，用shake shake粉为盐酥鸡上味，盐酥鸡同鸡翼一样鸡肉好滑身，应该系用鸡脾肉做成，海苔嘅味道又唔会抢左盐酥，比例岩岩好。 餐后甜点 - 九份经典芋圆 甜品除左有芋圆之外，仲有红豆，珍珠做衬托。唔会好甜，同其他甜品铺相比真系有过之
餐厅装修好有台湾风格。食物方面，呢间餐厅主打台湾地道卤味小食，可以散叫，亦都可以叫套餐。唔想令有选择困难症嘅朋友伤老筋，今次就点个二人餐慢慢品尝。
灯笼饱饱2人餐 ($208)
套餐包左一份招牌灯笼卤味，一份地道夜市小吃，一份人气台式小吃，一份餐后甜点同埋两杯台式特色饮料。
招牌灯笼卤味
卤味包左六款卤味，一款菜同一款面。牛肚同猪耳卤得好入味，好好食。百页豆腐吸晒汤汁，每一啖都食到卤水汁。萝卜同空心菜都好新鲜，全部都系台湾嘅味道。面食我地拣左王子面，劲有台湾特色。
地道夜市小吃 - 师大秘传卤鸡翅膀(4只)
卤水鸡翼好入味，但又唔会煮到好鞋，火喉控制得岩岩好，不错。
人气台式小吃 - shake shake海苔盐酥鸡
参考快餐店做法，用shake shake粉为盐酥鸡上味，盐酥鸡同鸡翼一样鸡肉好滑身，应该系用鸡脾肉做成，海苔嘅味道又唔会抢左盐酥，比例岩岩好。
餐后甜点 - 九份经典芋圆
甜品除左有芋圆之外，仲有红豆，珍珠做衬托。唔会好甜，同其他甜品铺相比真系有过之而无不及。
台式特色饮料 - 台味奶茶，峰蜜荔枝红茶
饮品正正常常，都系出面饮到嘅台式饮品味道。话晒佢呢到主打都系台式卤味，饮品就唔好有太大寄望。
总括而言，食物质素出色，仲唔驶加一，值得再去。
张贴
