影片
更多
2017-08-30
2971 浏览
作为九龙人，虽然返中环工，港岛东真喺好少嚟，数数手指，可以讲喺一年一次都无。如果唔喺约咗位家住东区嘅多年老死聚旧食饭，相信唔会专登走到嚟太古城。Log-On Cafe喺Log-On生活精品店旗下嘅一家日式西餐厅，一室浅木日系嘅清新环境，装修简约，地方颇阔落，感觉舒适。不过，由于采用半自助形式，即先到柜位购票，将号码牌放晌枱上，再由店员送餐，此外，就唔会特别有人招呼你，所以，揾位就要自己嚟，亦可以搭枱。大大个餐牌底面两版睇晒，虽然相张影得唔清，食物类别难以讲出嚟，但大致有全日早餐、多款意大利面、蛋包饭、沙律、炒饭、荞麦面、甜品、饮品……等等。仲有个all day special嘅餐牌，共有5款选择。所有食品，都附送咖啡、茶或博多屋豆奶（原味），亦可以加钱升级选择其他饮品或樽装果汁。此外，有啲额外精选加配，如小食、甜点，小弟就拣咗加配Patisserie Yamakawa嘅件装蛋糕。日式蛋包饭 $88个蛋包饭有多种变化，可拣日式咖喱汁、香草蕃茄酱、忌廉粟米汁，而𩠌料则有香煎三文鱼扒、吉列虾、吉列猪扒、吉列鸡、吉列蚝，如选野菜就卖平啲$78。老友选咖喱，微微辛辣带点甜，而吉列虾大只好肉，口感
Log-On Cafe喺Log-On生活精品店旗下嘅一家日式西餐厅，一室浅木日系嘅清新环境，装修简约，地方颇阔落，感觉舒适。不过，由于采用半自助形式，即先到柜位购票，将号码牌放晌枱上，再由店员送餐，此外，就唔会特别有人招呼你，所以，揾位就要自己嚟，亦可以搭枱。
大大个餐牌底面两版睇晒，虽然相张影得唔清，食物类别难以讲出嚟，但大致有全日早餐、多款意大利面、蛋包饭、沙律、炒饭、荞麦面、甜品、饮品……等等。
仲有个all day special嘅餐牌，共有5款选择。
所有食品，都附送咖啡、茶或博多屋豆奶（原味），亦可以加钱升级选择其他饮品或樽装果汁。此外，有啲额外精选加配，如小食、甜点，小弟就拣咗加配Patisserie Yamakawa嘅件装蛋糕。
日式蛋包饭 $88个蛋包饭有多种变化，可拣日式咖喱汁、香草蕃茄酱、忌廉粟米汁，而𩠌料则有香煎三文鱼扒、吉列虾、吉列猪扒、吉列鸡、吉列蚝，如选野菜就卖平啲$78。老友选咖喱，微微辛辣带点甜，而吉列虾大只好肉，口感爽弹，而且外层炸得香脆不腻，有水准；不过，话蛋包饭啲蛋就唔喺好包得住个饭，幸而个蛋皮做得唔老，仲带带点蛋浆。
日式蛋包饭
$88
50 浏览
0 赞好
0 留言
野菜大虾扁面配香辣蕃茄酱 $98碟扁面一身娇红，而只大虾坚大只，睇落都几吸引，入口又的确爽甜，可惜得一只，唔太够喉；扁面做得好，面质有咬口，个酱嘅蕃茄味好鲜活，有份甜香，而且辣劲点到即止，唔会太呛；不过，最失败喺配咗件蒜蓉多士，好睇唔好食，入口就明显知喺摆咗好耐，香而不脆。
即磨咖啡我哋两个都无特别转其他嘢饮，亦无试个博多屋豆奶，只喺简单叫番即磨咖啡。然而，啲咖啡几香、几醇。
杂莓挞 +$40晌铺面嘅Patisserie Yamakawa见，单卖喺$48，所以，唔喺额外加配唔喺平好多。卖相十分吸晴，堆满士多啤梨及蓝莓，切开望望，内里嘅吉士清晰睇到点点云呢嗱籽，真材实料，入口亦好软滑，啲杂莓亦够晒清甜；唯独个挞壳麻麻哋，唔多脆口，中间加咗层蛋糕，亦非海绵蛋糕般软绵。
虽然是夜试嘅嘢唔多，但食物都颇有质素，环境又轻松写意，最紧要都喺同咩人食饭啫，难得老友抽空一聚，食咩都可以啦！
张贴
