Vol.1 Cafe

营业中

休息中

Sogo又開始感謝祭，血拼之前，我同朋友在附近揀左間樓上café醫飽個肚先。Café位於大廈2樓，地方唔大，但空間寬闊，有室內同室外。室外有楓樹作擺設，幾靚幾relax。Cafe主打手工意粉，除左意粉，亦有燉飯、小食、沙律、甜品同飲品。最後我哋就叫左兩款手工麵條，一款小食同兩杯飲品。炙燒白松露雞翼：雞翼好大隻，肉質嫩滑，用炙燒保留左原味道，入味好食。自家製龍蝦汁蟹肉手工寬條麵：龍蝦汁味道極濃，手工寬條麵整得幾好，唔會過薄或太厚，亦好掛汁，撈埋蟹肉仲好味，話佢係signature都幾認同。忌廉明太子配手工圓粗麵：明太子鹹鹹香香，蟹籽咬落去脆卜卜，圓粗麵比較廷身，好有咬口，配左忌廉醬汁口感好滑同creamy，都OK喎。黑糖鮮奶米麻糬：鮮奶味濃，黑糖甜度剛好，飲落口感黏黏滑滑。原來麻糬唔單止可以就咁食，仲可以攞黎飲，我就覺得好好飲。奶蓋桂花鮮奶烏龍茶：叫左少冰少甜，朋友話茶味香，奶蓋夠厚，亦有淡淡桂花香味，整體口感幼滑，佢都幾鐘意。