樹蛙咖啡 (已結業)

樓上cafe，比我印象係食物麻麻地，純粹飲下嘢傾下計嘅地方，之前食過灣仔果間Mamadax，真係名過於實，今次呢間<<樹蛙咖啡>>，係朋友食過話唔錯，又比較少人，試過真係真心覺得正，食物質素好得之餘，裝修又幾得意，仲有兩隻樹蛙比你睇（唔該眼看手勿動)，我哋仲傾到人哋收鋪添。🥢脆炸芝士條 $48 ⭐️⭐️⭐️即叫即炸熱辣辣香脆可口仲會拉絲，芝士唔夠濃郁對芝士控嚟講會差啲。🥢珍寶帶子蟹肉蟹膏意粉 $198 ⭐️⭐️⭐️⭐️⭐️多料多汁濃郁，全部都係我想要嘅嘢，所有食材都好食，當然包括煙煙韌韌嘅意粉，賣相同味道都滿分！🥢樹蛙大滿足全日早餐 $128 ⭐️⭐️⭐️首先要讚個蛋好香滑，牛角包香脆，其他配料都ok，不過如果可以換走個藜麥就最好。🥢尖通粉, 柏瑪火腿, XO醬忌廉汁, 鮮冬菇 $108 ⭐️⭐️⭐️⭐️⭐️呢個我哋叫咗減XO 醬，出嚟都會有少少辣，但XO醬+忌廉汁超夾，個汁好香濃惹味，配尖通粉非常好味，當然要配埋其他配料啦，推薦度5粒星！🥢開心果鮮奶 $68 ⭐️⭐️⭐️⭐️🥢香橙朱古力咖啡 $43 ⭐️⭐️⭐️⭐️🥢青蛙仔焦糖脆脆多 $88 ⭐️⭐️⭐️⭐️炸咗嘅厚多士加焦糖，唔會太油膩同太甜，配雪糕一齊