財記粥麵

营业中

休息中

早前睇ViuTV節目是滴是友介紹左呢間熟食中心既車仔撈麵，專程去食的話真係要留意營業時間，好早就收舖。行到嚟熟食中心，門口有兩個通道，走入近樓梯果個入口，好快就會見到財記個招牌，先排隊叫餸再搵位坐，上左碗麵先比錢。魷魚、豬皮、蘿蔔、菜心+粗麵如果我個胃夠大，一定會每樣餸都叫嚟試下😂 咖喱魷魚必試，爽口彈牙；豬皮都幾淋幾入味；蘿蔔好軟腍，食到中間仲好清甜，菜心偏軟身，份量都幾多。至於湯汁就相對濃味，食完會有啲口乾既感覺。