牛奶冰室 (淘大商場3期)

营业中

休息中

第一次食牛奶冰室，晚市好彩唔洗等位。爆漿拉絲菠蘿包成日都想試，全日都有供應，所以難得就試試佢。菠蘿花新鮮熱辣上碟，切開有流心，似蛋黃mix 芝士。菠蘿包整體都算大個，菠蘿皮好香脆，芝士拉絲，增加口感，好食又唔會漏。不過價錢真係比較進取，$22 一個飽，試過一次就夠。晚餐小菜都幾多選擇，揀咗沙嗲肥牛粉絲煲（$76）。都係熱辣辣上碟，賣相唔錯，幾啱撈飯食。不過沙嗲味唔算好濃，牛肉份量偏少。加$3可以配凍飲，揀咗個冷壓檸檬茶好有驚喜，唔使吉檸檬，一般茶餐廳檸檬茶更fresh，唔會苦澀。仲叫咗上湯胡椒花甲春卷米線（$59） 花甲新鮮肥美，份量適中。湯底普通同埋成日咬到胡椒粒，唔係好鍾意。見到佢加咗酸菜，但係一啲都唔酸。整體嚟講普通茶記質素，間唔中食下都可以。