紅酒士多

营业中

休息中

我係元朗人，睇"元朗.com"綱址睇到此店，見佢都好近千色店，所以星期日特登過去睇睇。果然無介紹錯，間店雖然唔係豪裝，但都幾有特色，澳洲主題。而且店內店外都有檯凳比你坐，只要你買酒就可以坐底飲，唔收service charge，0係元朗區的確少見。我諗夜晚坐店外0的木檯凳飲紅酒應該會好好feel，晚放工真係要約0的朋友去試試。果日我聽左店主介紹買左支CARMEN白酒($78)試之外，見到0的佐酒小食又唔貴，就買左樽魚籽醬($52)同埋意大利沙樂美腸($50)番去慢慢嘆。試完支白酒都真係唔錯呀，店主話呢支白酒帶荔枝果香，我一開就聞得出陣陣荔枝香味喇。果然係好介紹，下次去試埋CARMEN概紅酒先得。