Crostini Bakery & Cafe (已結業)

今日去香港站坐地鐵，經過站內間crostini, 見到櫥窗嘅西餅賣相相當吸引，但真係唔平，30幾蚊件，但係都忍唔住買左幾件試下。斑蘭青檸慕絲外表好特別，青青地色，比較少見，唔係好重斑蘭味，酸酸地，慕絲口感非常滑。雲呢拿士多啤梨慕絲好濃士多啤梨味，同樣個慕絲口感好正，唔太甜，有層次。紅橙特濃朱古力脆脆橙味不太濃，朱古力不會過甜，口感同樣都係好滑，不過唔係好覺有脆脆。整體嚟講，賣相、口感、味道都非常好。