位置就喺路德圍附近，排隊嘅人絡繹不絕，好多都係為咗又濃又香嘅芝麻味雪糕而嚟。 其實呢間店舖除咗有芝麻味雪糕，亦有唔同嘅芝麻味產品，非常健康及養生！🤩
1) 石磨芝麻糊 - 店舖signature 之一， 用傳統石磨將黑芝麻及白芝麻磨成粒，製作出嚟嘅芝麻糊顏色深黑色，質地幼滑，芝麻香氣十足，味道天然可口
2) 黑芝麻豆漿 - 冇糖，飲到濃濃芝麻及豆香味，口感順滑， 唔會黏口，可以解渴同補充蛋白質
3) 養生五黑芝麻九 - 店員推介， 採用黑芝麻、黑豆、黑米、黑桑葚等養生配方製成嘅黑芝麻丸， 絕無添加、無蔗糖，可以明目養血、強身健脾 ，絕對係養生之選
4) 流心黑芝麻布甸 - 由牛奶及黑芝麻製成嘅布甸，做得滑漏，仲食到芝麻爆漿效果😍
5）黑芝麻菲林卷 - 香港懷舊小食 - 每日手工製作。買相好靚， 聞到陣陣嘅芝麻香氣，口感軟滑q彈
6) 飲品 赤小豆慧米去濕茶 / 陳皮燉檸檬茶 / 雪梨燉檸檬茶 - 除咗芝麻產品，仲有其他養生飲品。 各款飲品飲落厚實， 可以達至祛濕、潤肺及化痰效果
